Билдәләнгән ваҡыт күп фатирлы йорттоң айырым конструкция элементтары буйынса башҡарыласаҡ эштәргә ҡарата ведомство төҙөлөш нормаларына ярашлы ремонт-ара осорон, төбәк һәм муниципаль органдарының күрһәтелгән ваҡытты, шулай уҡ күп фатирлы йортҡа капиталь ремонтлау эштәре үткәреүгә етерлек матди саралар йыйыуға сарыф ителер ваҡытты оҙайтыу буйынса ҡарар сығарыу ихтималлығын күҙ уңында тотоп иҫәпләнә.

Граждандарҙың иғәнәләре Рәсәй Федерацияһы субъекты законы билдәләгән капиталь ремонтлау эштәрен (хеҙмәттәрен) финанслауға ғына йүнәлтелергә тейешле. Телгә алынған сараларҙы бүтән маҡсаттарҙа, шул иҫәптән Төбәк операторының административ-хужалыҡ сығымдарын ҡаплауға, тотоноу ҡәтғи тыйыла.

РФ Торлаҡ кодексының 178-се статьяһына ярашлы Төбәк операторы Рәсәй Федерацияһы субъекты тарафынан булдырыла. Шул уҡ мәлдә субъект бер нисә төбәк операторын ойоштора ала; уларҙың һәр ҡайһыһының Рәсәй Федерацияһы субъектының айырым бер биләмә өлөшөндә эшмәкәрлек алып барыу мөмкинлеге бар.

Төбәк операторының эшмәкәрлеген финанслау РФ Торлаҡ кодексы нормалары нигеҙендә Рәсәй Федерацияһы субъекты законы менән билдәләнә.

Юҡ, улар Төбәк операторында махсус иҫәп асырға тейешле, йә иһә айырым торлаҡ милекселәре ширҡәттәренә тарҡалырға бурыслы.

РФ Торлаҡ кодексының 170-се статьяһының 3-сө пунктына ярашлы күп фатирлы йорттоң торлаҡ милекселәре капиталь ремонтлау фондын булдырыу өсөн түбәнге ысул һайлауға хоҡуҡлы:

аҡсалата махсус иҫәптә йыйылып барасаҡ капиталь ремонтлау фондын булдырыу маҡсатында капиталь ремонтлауға тәғәйен иғәнәләрҙе махсус иҫәпкә күсереп барыу ысулы;

күп фатирлы йорттағы торлаҡ милекселәренең Төбәк операторына ҡарата мотлаҡ хоҡуғы рәүешендә капиталь ремонтлау фондын булдырыу маҡсатында капиталь ремонтлауға тәғәйен иғәнәләрҙе Төбәк операторы иҫәбенә күсереп барыу ысулы.

Торлаҡ милекселәре ширҡәте, Төбәк операторы, күп фатирлы йорт менән идара итеүсе торлаҡ кооперативы йәки башҡа махсуслаштырылған ҡулланыусылар кооперативы ғына махсус иҫәп хужаһы була ала.

РФ Торлаҡ кодексының 36.1 статьяһына ярашлы күп фатирлы йорттағы торлаҡ милексеһенең махсус иҫәптә булған аҡсаларҙың өлөшөнә хоҡуғы был торлаҡ милке хоҡуғы яҙмышына туранан-тура бәйле. Күп фатирлы йорттағы торлаҡҡа милек хоҡуғы күскән осраҡта махсус иҫәптә булған аҡсаларға хоҡуғы был яңы торлаҡ милексеһе өлөшө алдағы милексе өлөшөнә тиң ҡала.

Күп фатирлы йорттоң торлаҡ милексеһе махсус иҫәптә булған аҡсаларҙы кире ҡайтарыуҙы талап итә алмай. Күп фатирлы йортта милек итеп торлаҡ һатып алғанда һатып алыусыға махсус иҫәптә булған аҡсаларға өлөш хоҡуғы ла күсә.

Күп фатирлы йорттағы торлаҡҡа милек хоҡуғы күскәндә махсус иҫәптә булған аҡсаларға өлөш хоҡуғы ла күсеү шарты менән төҙөлгән килешеү ғәмәлгә яраҡһыҙ булып иҫәпләнә.

РФ Торлаҡ кодексының 170-се статьяһының 3-сө пунктына ярашлы күп фатирлы йорттоң торлаҡ милекселәре капиталь ремонтлау фондын булдырыу өсөн түбәнге ысул һайлауға хоҡуҡлы:

1. аҡсалата махсус иҫәптә йыйылып барасаҡ капиталь ремонтлау фондын булдырыу маҡсатында капиталь ремонтлауға тәғәйен иғәнәләрҙе махсус иҫәпкә күсереп барыу ысулы;

2. күп фатирлы йорттағы торлаҡ милекселәренең региональ операторға ҡарата мотлаҡ хоҡуғы рәүешендә капиталь ремонтлау фондын булдырыу маҡсатында капиталь ремонтлауға тәғәйен иғәнәләрҙе Төбәк операторы иҫәбенә күсереп барыу ысулы.

Торлаҡ милекселәре капиталь ремонтлау фондын махсус иҫәптә булдырырға ҡарар сығарған осраҡта:

РФ Торлаҡ кодексының 175-се статьяһының 6-сы пунктына ярашлы махсус иҫәптә булған аҡсалар был иҫәп хужаһының йөкләмәләрен түләтеүгә йүнәлтелә алмай. Әлбиттә, РФ Торлаҡ кодексының 44-се статьяһы 2-се бүлеге 1.2 пунктында билдәләнгән күп фатирлы йорттағы торлаҡ милекселәренең дөйөм йыйылышы ҡарары нигеҙендә төҙөлгән килешеүҙәр (мәҫәлән, күп фатирлы йорттағы дөйөм милекте капиталь ремонтлау сығымдарын ҡаплауға тотонолған кредит һәм заем килешеүҙәре), шулай уҡ капиталь ремонтлау тураһында күп фатирлы йорттағы торлаҡ милекселәренең дөйөм йыйылышы ҡарары нигеҙендә был күп фатирлы йорттағы дөйөм милекте капиталь ремонтлау эштәрен үтәү һәм (йәки) хеҙмәттәр күрһәтеүгә тип йә иһә бүтән законлы нигеҙҙә төҙөлгән килешеүҙәрҙән барлыҡҡа килгән йөкләмәләрҙе иҫәпкә алмағанда.

РФ Торлаҡ кодексының 175-се статьяһының 7-се пунктына ярашлы махсус иҫәп хужаһын банкрот тип таныған осраҡта махсус иҫәптә йыйылған аҡсалар конкурс массаһына индерелмәй.

Күп фатирлы йорттағы торлаҡ милекселәре (йәки РФ Торлаҡ кодексының 170-се статьяһының 7-се пунктына ярашлы урындағы үҙидара органы) капиталь ремонтлау фондын Төбәк операторы иҫәбендә тупларға тигән ҡарар сығарған осраҡта: Төбәк операторы эшмәкәрлегенең финанс яҡтан тотороҡлолоғон тәьмин итеү талабы РФ Торлаҡ кодексының 185-се статьяһы һәм Рәсәй Федерацияһы субъекты законы менән билдәләнә.

Йыл һайын Төбәк операторының капиталь ремонтлау буйынса төбәк программаһын финанслауға тотонорға хаҡлы саралар күләме капиталь ремонтлауға үткән йыл төбәк оператор иҫәбенә күскән иғәнәләр күләменән өлөш рәүешендә иҫәпләнә. Шул уҡ ваҡытта әйтеп кителгән өлөш күләме Рәсәй Федерацияһы субъекты законы менән билдәләнә.

Төбәк операторы эшмәкәрлегенең финанс яҡтан тотороҡлолоғон тәьмин итеүгә өҫтәмә талаптар Рәсәй Федерацияһы субъекты законы менән билдәләнеү мөмкинлеге ҡаралған.

Төбәк операторы эшмәкәрлеген Рәсәй Федерацияһы Торлаҡ кодексының 186-сы статьяһына ярашлы түбәндәге органдар контролдә тота:

1. Рәсәй Федерацияһы субъектының башҡарма властың вәкәләтле органы. Ул Рәсәй Федерацияһы субъекты дәүләт власының юғары башҡарма органы билдәләгән тәртиптә Төбәк операторы эшмәкәрлегенең ҡуйылған талаптарға ярашлы бойомға ашырылыуын контролдә тота.

2. Рәсәй Федерацияһы Хөкүмәте билдәләгән тәртиптә финанс-бюджет өлкәһендә контроль һәм күҙәтеү буйынса функцияларҙы бойомға ашырыусы башҡарма властың федераль органы: Төбәк операторының капиталь ремонтлауға тип дәүләт ярҙамы, муниципаль ярҙам рәүешендә бүленгән сараларҙы, шулай уҡ күп фатирлы йорттағы торлаҡ милекселәренең капиталь ремонтлау фондын тулыландырған махсус иҫәптәге, Төбәк операторы иҫәбендәге сараларҙы нисек ҡулланыуын контролдә тота; Төбәк операторына асыҡланған Рәсәй Федерацияһы ҡануниәте талаптарын боҙоуҙы бөтөрөү тураһында күрһәтмәләр һәм (йәки) бойороҡтар ебәрә.

3. Рәсәй Федерацияһы субъекттарының дәүләт финанс контроле органдары һәм муниципаль берәмектәрҙең муниципаль финанс контроле органдары, Рәсәй Федерацияһының Иҫәп палатаһы, Рәсәй Федерацияһы субъекттарының һәм муниципаль берәмектәренең контроль-иҫәп һәм финанс органдары. Улар Рәсәй Федерацияһының бюджет ҡануниәте билдәләгән тәртиптә Төбәк операторының тейешле бюджетты нисек ҡулланыуын финанс яҡтан контролдә тота.

РФ Торлаҡ кодексының 188-се статьяһының 1-се һәм 2-се пункттарына ярашлы күп фатирлы йорттағы торлаҡ милекселәре менән төҙөлгән килешеүҙәрҙән (ғәмәлдәге Кодекс һәм Рәсәй Федерацияһы субъекттарының закондарына ярашлы юридик яҡтан дөрөҫ төҙөлгән килешеү) ғәмәлгә ингән талаптарҙы Төбәк операторы үтәмәү йәки тейешле кимәлдә үтәмәү һөҙөмтәһендә милекселәргә килтерелгән зыян гражданлыҡ ҡануниәте буйынса ҡапланырға, ҡайтарылырға тейешле. Рәсәй Федерацияһы субъекты Төбәк операторының күп фатирлы йорттағы торлаҡ милекселәре алдындағы өҫтә әйтеп үтелгән бурыс-йөкләмәләрҙе үтәүе буйынса субсидиар яуаплылыҡ тота.

Был хәл 2006 йылдан бирле генә милек хоҡуғы тураһында таныҡлыҡта фатирҙың дөйөм майҙаны балкон, лоджия, веранда, терраса майҙаны иҫәпкә алынмай күрһәтелә башлауға бәйле.

Әгәр түләү документында балкон, лоджия, веранда һәм террасаны үҙ эсенә алған дөйөм майҙан күрһәтелгән икән, Һеҙ торлаҡ йорттоң техник паспортында күрһәтелгән балкон, лоджия, веранда һәм террасаны иҫәпкә алмаған фатирҙың дөйөм майҙанынан сығып капиталь ремонтлау буйынса квитанцияны түләй алаһығыҙ.

Капиталь ремонтлау буйынса иғәнә түләүгә квитанция килмәгән осраҡта Һеҙгә түбәндәге телефон номерҙары буйынса мөрәжәғәт итергә кәрәк:

8(347)279-55-66 – «Башҡортостандың социаль карталары регистры»;

8(347)216-32-65, 8-800-775-69-77 (шылтыратыу бушлай) – “Башҡортостан Республикаһы территорияһында урынлашҡан күп фатирлы йорттарҙағы дөйөм мөлкәтте капиталь ремонтлауҙың төбәк операторы” фонды коммерцияға ҡарамаған ойошмаһы, йәки kapremont@brsc.ru, mail@kapremont02.ru электрон почта адрестары буйынса мөрәжәғәт яҙып ҡалдыра алаһығыҙ.

Шулай уҡ Һеҙ капиталь ремонтлау буйынса иғәнәне түләү документы килмәгән осраҡта ла “Рәсәйҙең Һаҡлыҡ банкы” асыҡ акционерҙар йәмғиәтендә (комиссия алынмай) һәм “УРАЛСИБ” асыҡ акционерҙар йәмғиәтендә (комиссия алына) түләй алаһығыҙ. Банктың мәғлүмәт базаһына Һеҙҙең фатирығыҙ индерелмәгән булһа, өҫтә әйтеп үтелгән ойошмаларға мөрәжәғәт итегеҙ.

Һеҙҙең осраҡта, моғайын, бәлиғ булмаған бала – фатирҙың бер хужаһылыр. Капиталь ремонтлауға иғәнә индереү өсөн түләү документы торлаҡ хужаларының һәр кеменә теркәлә ала.

Теләгегеҙ булһа, «Түләүсе» графаһында милексенең исем-шәрифен бүтән милексегә алыштырыу өсөн Һеҙ «Башҡортостандың социаль карталары регистры» асыҡ акционерҙар йәмғиәтенә йәки «Башҡортостан Республикаһы территорияһында урынлашҡан күп фатирлы йорттарҙағы дөйөм мөлкәтте капиталь ремонтлауҙың төбәк операторы» фонды коммерцияға ҡарамаған ойошмаһына мөрәжәғәт итә алаһығыҙ.

Рәсәй Федерацияһы Ер сәйәсәте, төҙөлөш һәм торлаҡ-коммуналь хужалыҡ буйынса министрлығы 1998 йылдың 4 авгусындағы 37-се һанлы Бойороғо менән Рәсәй Федерацияһындағы торлаҡ фондын иҫәпләүҙе башҡарыу тураһында Инструкцияны раҫланы.

Өҫтә әйтелгән Инструкцияның 1-се һанлы ҡушымтаһында түбәндәге күрһәтмә бирелгән: әгәр торлаҡ йорттоң айырым өлөштәрендә төрлөсә ер өҫтөндәге ҡаттар булғанда, уның бейеклеге биналағы иң күп һанлы ҡат буйынса билдәләнә.

Икенсе һүҙҙәр менән әйткәндә, күп секциялы күп фатирлы йорттағы дөйөм милекте капиталь ремонтлау өсөн иғәнә күләме бинаның иң юғары ҡатынан сығып иҫәпләнә.

Капиталь ремонтлауға иғәнәнең минималь күләме фатирҙың нисәнсе ҡатта урынлашыуына ҡарап түгел, ә күп фатирлы йорттоң нисә ҡатлы булыуына ҡарап билдәләнә (Башҡортостан Республикаһы Хөкүмәтенең 2013 йылдың 26 декабрендәге 627-се һанлы Ҡарарына ярашлы).

Түләү документының ысын булыуын (ялған түгеллеген) ундағы күп фатирлы йорттоң дөйөм милкен капиталь ремонтлау өсөн иғәнәне түләү өсөн күрһәтелгән реквизиттар раҫлай ала. Алған квитанцияла түбәндәге реквизиттар күрһәтелергә тейеш:

Некоммерческая организация Фонд «Региональный оператор Республики Башкортостан»

Адрес: г. Уфа, ул. Бессонова, д. 2а

ИНН / КПП 0278992157/027801001

р/с 40604810106000000131

Отделение № 8598 Сбербанка России г. Уфа

БИК 048073601

к/с 30101810300000000601

РФ Торлаҡ кодексының 181-се статьяһы күп фатирлы йорттоң торлаҡ милекселәре Төбәк операторы менән килешеү төҙөүҙе мотлаҡ шарт тип билдәләй. Шул уҡ ваҡытта барлыҡ хоҡуҡтар, йөкләмәләр, яуаплылыҡтар һәм капиталь ремонтлау буйынса эштәр башҡарыу ваҡыты һәм уларҙың төрҙәре хаҡында бүтән ҡағиҙәләр ғәмәлдәге норматив юридик актта тотошлайы менән тасуирланған була.

Шулай итеп, күп фатирлы йорттағы торлаҡ милекселәренең һәм Төбәк операторының – ике яҡтың да бурыстары килешеүле түгел, ә Законға нигеҙләнгән була.

Капиталь ремонтлау өсөн иғәнәнең билдәләнгән минималь күләмен түләп барыу тейешле ваҡытта иң кәрәкле эш төрҙәрен башҡарыуҙы тәьмин итә. Ремонт оҙайлы ваҡыт уҙғарылмай килһә, коммуникациялар эшлектән сығасаҡ, йорт буйынса сығымдар артып барасаҡ, ә йорт үҙе, ябай һүҙҙәр менән әйткәндә, емерелеп төшәсәк.

РФ Торлаҡ кодексының 169-сы статьяһына ярашлы капиталь ремонтлауға иғәнәләрҙе түләү бурысы күп фатирлы йорттоң барлыҡ торлаҡ милекселәре иңенә һалына. Шул уҡ ваҡытта Кодекстың 169-сы статьяһының 2 бүлегендә был йөкләмәнән бушатылыу осраҡтары ла ҡаралған: күп фатирлы йорт йәшәргә яраҡһыҙ һәм һүтергә тейешле тип танылған осраҡта, мәҫәлән.

Шулай итеп, федераль ҡануниәттә күп фатирлы йорттағы дөйөм милекте капиталь ремонтлауға иғәнәләрҙе түләүҙән бушатылыу өсөн тулы исемлек бирелгән. Йөкләмәләр иһә бер үк дәрәжәлә күп фатирлы йорттоң барлыҡ торлаҡ милекселәренә ҡағыла.

Рәсәй Федерацияһының Торлаҡ кодексы һәм Башҡортостан Республикаһының 2013 йылдың 28 июнендәге 694-з һанлы законы талаптарын үтәү маҡсатында Башҡортостан Республикаһының Хөкүмәте 2014 йылдың 29 майындағы 523-р һанлы ҡарары менән БР Торлаҡ-коммуналь хужалыҡ министрлығына Төбәк операторы менән берлектә күп фатирлы йорттағы дөйөм милекте капиталь ремонтлауға иғәнәләрҙе түләү-туплау өсөн берҙәм база булдырыу буйынса эш ойоштороу бурысын йөкмәтте. Шулай итеп, Башҡортостан Республикаһы Торлаҡ-коммуналь хужалыҡ министрлығы һәм Төбәк операторы тарафынан күп фатирлы йорттағы торлаҡ милекселәре тураһында мәғлүмәт Берҙәм дәүләт күсемһеҙ милек реестрынан (ЕГРП) алынған.

Түләү документтары Берҙәм дәүләт күсемһеҙ милек реестры мәғлүмәттәре нигеҙендә төҙөлөүе сәбәпле, күп фатирлы йорттағы дөйөм милекте капиталь ремонтлауға иғәнәләрҙе түләүсенең фамилияһы, исеме, атаһының исеме, шулай уҡ торлаҡтың майҙаны Берҙәм дәүләт күсемһеҙ милек реестрына нисек индерелгән, шул рәүешле үҙгәрешһеҙ күрһәтелә.

Шуны билдәләп үтергә кәрәк, ҡайһы ваҡыт граждандар күсемһеҙ милеккә вариҫлыҡ рәүешендә күскән милек хоҡуғын тейешле мәлдә теркәмәйҙәр, йәки күсемһеҙ милек бәлиғ булмаған бала исеменә һатып алына, йә иһә бер нисә граждан торлаҡ хужаһы булып тора.

Шул сәбәпле, түләүсе итеп вафат булған граждан, бәлиғ булмаған бала йәки бер торлаҡҡа бер нисә кеше хужа булғандарҙың бөтәһе күрһәтелеүе осраҡтары булыуы ихтимал.

Капиталь ремонтлауға иғәнә индереү өсөн түләү документының барыһында ла дөрөҫ күрһәтелмәгән майҙан һәм милексе тураһында хаталы мәғлүмәт хаҡында ҡайҙа мөрәжәғәт итеп, төҙәтмәләр индереү юлдары күрһәтелгән.

Республика программаһы Башҡортостан Республикаһы Хөкүмәтенең рәсми сайтында баҫылған. Программа йыл һайын яңыртыла.

http://www.npa.bashkortostan.ru/?show=1&seed=6334

Рәсәй Федерацияһы Торлаҡ кодексының 168-се статьяһының 5-се пунктына ярашлы капиталь ремонтлау буйынса төбәк программаһын йылына бер тапҡырҙан кәм түгел мәртәбә актуалләштереү мотлаҡ һанала.

Был төбәк программаһында йыл эсендә күп фатирлы йорттар теҙмәһендәге үҙгәрештәрҙең сағылыш табыуы тейешлеген аңлата. Йәғни йәшәргә яраҡһыҙ тип танылған йорттар исемлектән төшөрөлөргә, ә эксплуатацияға индерелгән яңы йорттар – теҙмәгә индерелергә, шулай уҡ күп фатирлы йорттоң техник торошо буйынса уҙғарылған мониторинг һөҙөмтәләре, капиталь ремонтлау эштәренең ҡайһы берҙәре үтәлгән (милекселәр ҡарары буйынса ла) осраҡта эш төрҙәренә ҡарата керетелгән төҙәтмәләр иҫәпкә алынырға тейеш.

Капиталь ремонтлауға тип Төбәк операторы тарафынан күп фатирлы йорттоң торлаҡ милекселәренән йыйылған саралар бары тик йорттоң дөйөм милкен капиталь ремонтлау буйынса сығымдарҙы финанслауға ғына сарыф ителә ала (РФ Торлаҡ кодексының 179-сы статьяһының 3-сө бүлеге). Атап үтелгән сараларҙы бүтән маҡсатта, шул иҫәптән Төбәк операторын ҡарауға, файҙаланыу рөхсәт ителмәй. Төбәк операторы республика бюджетынан финанслана.

Әгәр милекселәр капиталь ремонтлау фондын махсус иҫәптә формалаштырыу юлын һайлаған икән, капиталь ремонтлауға етмәгән сараларҙы үҙҙәренә табырға тура килер (кредит алыу йәки сараларҙы бер тапҡыр иғәнә индереү ысулы менән тултырыу).

Әгәр ҙә торлаҡ милекселәре капиталь ремонтлау фондын Төбәк операторының иҫәбендә формалаштырырға ҡарар ҡабул иткән булһа, етмәгән саралар Төбәк операторы тарафынан дөйөм ҡаҙнанан кире ҡайтарыу шарты менән өҫтәлә.

Юҡ, аҡсалар бер ҡайҙа ла күсерелмәй, сөнки был аҡсалар йорттағы дөйөм милеккә ремонт үткәреүгә тәғәйен. Ә махсус иҫәптә булған сараларҙан үҙ өлөшөн кире ҡайтарыуҙы талап итергә торлаҡ милексеһе хоҡуҡлы түгел. Күп фатирлы йортта торлаҡ һатып алғанда һатып алыусы иңенә капиталь ремонтлауға иғәнә индереү бурысы һалына.

Күп фатирлы йорттоң торлаҡ милекселәре капиталь ремонтлау фондын Төбәк операторының иҫәбендә формалаштырырға ҡарар ҡабул иткән осраҡта, бер күп фатирлы йорттағы торлаҡ милекселәре тарафынан Төбәк операторының алған саралары кире ҡайтарыу шарты менән башҡа күп фатирлы йорттарҙағы дөйөм милекте капиталь ремонтлау эштәрен башҡарыуҙы финанслауға тотонола ала. Бит башҡа күп фатирлы йорттарҙың торлаҡ милекселәре лә Төбәк операторы иҫәбендә капиталь ремонтлау фондтарын формалаштырып килә.

Сараларҙы ошо рәүешле ҡулланыу рөхсәт ителә, әммә телгә алынған күп фатирлы йорттар бер муниципаль берәмек биләмәһендә урынлашҡан булырға тейеш.

Махсус иҫәпте Рәсәйҙең кредит ойошмаларында асырға мөмкин, тик уларҙың үҙ саралары (капиталы) күләме 20 миллиард һумдан кәм булмаҫҡа тейеш (РФ Торлаҡ кодексының 176-сы статьяһына ярашлы). Рәсәй Федерацияһының Үҙәк банкы “Интернет” селтәрендәге үҙенең официаль сайтында әлеге бүлек билдәләгән талаптарға яуап биргән кредит ойошмалары тураһында мәғлүмәт ҡуйып, квартал һайын был исемлекте яңыртып тора.

Капиталь ремонтлау фондын формалаштырыу өсөн махсус банк иҫәптәрен асыу һәм алып барыу, шул иҫәптән махсус иҫәптәрҙе асыу өсөн типлаштырылған килешеүҙәр төҙөү, буйынса хеҙмәттәр тәҡдим иткән кредит ойошмалары тураһында мәғлүмәт www.fondgkh.ru сайтында урынлаштырылған.

Күп фатирлы йорт йәшәргә яраҡһыҙ һәм һүтергә йәки реконструкциялауға тейешле тип танылған осраҡта капиталь ремонтлау фонды саралары торлаҡ милекселәре ҡарары буйынса был күп фатирлы йортто һүтеү йәки реконструкциялау маҡсаттарына ҡулланыла, ә күп фатирлы йорт урынлашҡан ер участкаһын дәүләт йәки муниципаль ихтыяждары өсөн тартып алғанда, һәм шул рәүешле был күп фатирлы йорттағы барлыҡ торлаҡтарҙы тартып алғанда, капиталь ремонтлау фонды саралары торлаҡ милекселәре араһында уларҙың түләгән капиталь ремонтлауға тәғәйен иғәнә һәм тейешле торлаҡтарҙың алдағы милекселәре түләгән капиталь ремонтлауға тәғәйен иғәнә күләмендә пропорциональ рәүештә бүленә.

Капиталь ремонтлау фондын формалаштырыу алымын күп фатирлы йорттағы торлаҡ милекселәренең дөйөм йыйылышы ҡарары менән теләһә ҡайһы ваҡытта үҙгәртергә мөмкин. Дөйөм йыйылыш ҡарары тәғәйен ҡарар ҡабул ителгәндән һуң 5 эш көнө ваҡыты эсендә күп фатирлы йорттағы дөйөм милекте капиталь ремонтлауға иғәнәләр күсерелеп килгән махсус иҫәп хужаһына йәки, был иғәнәләр Төбәк операторы иҫәбенә күсерелеп килһә, тимәк, Төбәк операторына ебәрелергә тейеш.

Капиталь ремонтлау фондын формалаштырыу Төбәк операторы иҫәбендә башҡарылған осраҡта күп фатирлы йорттағы торлаҡ милекселәренең дөйөм йыйылышы ҡарары менән капиталь ремонтлау фондын формалаштырыу алымын үҙгәртеү өсөн түбәндәгеләр асыҡланырға тейеш: капиталь ремонтлауға иғәнәнең айлыҡ күләме; күп фатирлы йорттағы дөйөм милеккә башҡарыласаҡ капиталь ремонтлау эштәре һәм (йәки) хеҙмәттәр теҙмәһе; капиталь ремонтлау ваҡыты; махсус иҫәп хужаһы; махсус иҫәптең асылыуы ҡаралған кредит ойошмаһы.

Төбәк операторы иҫәбендә капиталь ремонтлау фондын формалаштырыуҙы туҡтатыу һәм капиталь ремонтлау фондын махсус иҫәптә формалаштырыу тураһында ҡарар Төбәк операторына торлаҡ милекселәре дөйөм йыйылышының капиталь ремонтлау фондын формалаштырыу алымын үҙгәртеү тураһында ҡарары ебәрелгәндән һуң 2 йыл ваҡыт үткәс үҙ көсөнә инә.

Махсус иҫәптә капиталь ремонтлау фондын формалаштырыуҙы туҡтатыу һәм капиталь ремонтлау фондын Төбәк операторы иҫәбендә формалаштырыу тураһында ҡарар махсус иҫәп хужаһына торлаҡ милекселәре дөйөм йыйылышының капиталь ремонтлау фондын формалаштырыу алымын үҙгәртеү тураһында ҡарары ебәрелгәндән һуң 1 ай ваҡыт үткәс үҙ көсөнә инә.

Капиталь ремонтлау тәү сиратта күп фатирлы йорттоң торлаҡ милекселәре индергән иғәнәләр саралары иҫәбенә башҡарыла. Торлаҡ ҡануниәте менән федераль, төбәк һәм урындағы бюджет иҫәбенә капиталь ремонтлау эштәрен башҡарыуға дәүләт һәм муниципаль ярҙам бүлеү ҡаралған. 2014 йылда Торлаҡ-коммуналь хужалыҡты реформалаштырыуға булышлыҡ итеү фонды был маҡсатта Башҡортостанға 196 млн һум аҡса бүлде.

Дәүләт ярҙамын бүлеү күп фатирлы йорттағы торлаҡ милекселәре һайлаған капиталь ремонтлауға саралар йыйыу алымына ҡарамай.

Капиталь ремонтлау фондын махсус иҫәптә формалаштырған күп фатирлы йорттоң торлаҡ милекселәре төбәк программаһында билдәләнгән ваҡыттан иртәрәк капиталь ремонтлау буйынса эштәр уҙғарыу тураһында ҡарар ҡабул итә алалар. Был ҡарар милекселәрҙең дөйөм йыйылышында ҡабул ителергә тейеш.

Күп фатирлы йорт капиталь ремонтлауға етерлек күләмдә аҡса йыймаған осраҡта торлаҡ милекселәре тарафынан банк кредитлауы йәки бер тапҡыр иғәнә индереү ысулы менән етмәгән сумманы тултырыу механизмын ойоштороп ебәреү мөмкинлеге бар.

Идара итеүсе компания махсус иҫәптең хужаһы була алмай. Уның бындай хоҡуғы тик 2015 йылдың 1 ғинуарында ғына ғәмәлгә инәсәк (2014 йылдың 21 июлендәге 255-ФЗ һанлы федераль законға ярашлы). Шул уҡ ваҡытта күп фатирлы йорттағы торлаҡ милекселәренең дөйөм йыйылышында Төбәк операторы иҫәбендәге капиталь ремонтлау фондын формалаштырыуҙы туҡтатыу һәм капиталь ремонтлау фондын махсус иҫәптә формалаштырыу тураһында ҡарар ҡабул ителеп, был ҡарар Төбәк операторына ебәрелгәндән һуң 2 йыл ваҡыт үткәс үҙ көсөнә инәсәген күҙ уңында тоторға кәрәк.

Күп фатирлы йорттоң торлаҡ милекселәре капиталь ремонтлауға иғәнә күләмен минималь күләмдән юғарыраҡ итеп билдәләү тураһында ҡарар ҡабул иткәндә, артыҡ саралар индереү һөҙөмтәһендә йыйылған капиталь ремонтлау фондының ошо өлөшөн күп фатирлы йорттағы торлаҡ милекселәренең дөйөм йыйылышы ҡарары буйынса күп фатирлы йорттағы дөйөм милекте капиталь ремонтлау буйынса теләһә ниндәй эш һәм (йәки) хеҙмәтте, шул иҫәптән ихата биләмәһен төҙөкләндереүҙе финанслауға тотоноу рөхсәт ителә (РФ Торлаҡ кодексының 166-сы статьяһының 3-сө бүлеге).

Капиталь ремонтлауға махсус иҫәп асыу һәм уны хеҙмәтләндереү буйынса банктың хеҙмәттәре өсөн айырым хаҡ махсус иҫәптә капиталь ремонтлау фондын формалаштырған күп фатирлы йорттағы дөйөм мөлкәт милекселәре тарафынан түләнә.

Махсус иҫәп килешеүенә ярашлы аҡсаларҙы ҡулланыу өсөн махсус иҫәпкә өҫтәп иҫәпләнгән проценттар индереү һәм комиссион әжер сисеү ихтималлығы бар (РФ Торлаҡ кодексының 177-се статьяһы, 1-се бүлеге, 6-сы пункты). Махсус иҫәп асыу һәм уны хеҙмәтләндереү өсөн банкка комиссия түләү тураһында ҡарар күп фатирлы йорттағы торлаҡ милекселәренең дөйөм йыйылышында тикшерелә. Комиссия капиталь ремонтлауға иғәнәнең минималь суммаһынан артығыраҡ булып билдәләнгән капиталь ремонтлау фонды сараларынан сисеп барылырға тейеш (әлбиттә, бындай ҡарар милекселәр тарафынан ҡабул ителгән осраҡта).