Для авторизации на текущем портале в Вашем профиле ЕСИА должно быть заполнено поле "Электронная почта"

Республика порталдары Сайт картаһы Вход

Башҡортостан Республикаһы Торлаҡ-коммуналь хужалыҡ министрлығы

Башҡортостан Республикаһы торама пункттарының тышҡы яҡтыртыу системаларын яҡшыртыу

2018 йылдың аҙағына Башҡортостан Республикаһында урамдарҙың, тыҡрыҡтарҙың һәм юлдарҙың яҡтыртылған өлөшө уларҙың дөйөм оҙонлоғона ҡарата 67% тәшкил итә ине, эшләп торған яҡтыртыу нөктәләре һаны – 259 мең берәмек. Муниципаль берәмектәр хөкүмәттәре мәғлүмәттәре буйынса, өҫтәмә рәүештә тағы ла 140 мең берәмек тирәһе урам яҡтыртҡыстарын, 43 меңгә яҡын яңы бағаналар ҡуйыу һәм 5 мең саҡрым тирәһе изоляцияланған электр сымы һуҙыу талап ителә ине.

Башҡортостан Республикаһы Башлығы вазифаһын ваҡытлыса башҡарыусы Радий Хәбиров ҡушыуы буйынса БР Хөкүмәтенең 2019 йылдың 18 ғинуарындағы 25-се һанлы « Башҡортостан Республикаһы торама пункттарының тышҡы яҡтыртыу системаларын яҡшыртыу тураһындағы» ҡарары менән Башҡортостан Республикаһының муниципаль райондары һәм ҡала округтары бюджеттарына Башҡортостан Республикаһы торама пункттарының тышҡы яҡтыртыу системаларын яҡшыртыу буйынса сараларҙы финанслауҙа ярҙам күрһәтеүгә субсидиялар биреү тәртибе раҫланды.

Республика программаһы 2019 йылдан 2024 йылға тиклем алты йылға иҫәпләнгән. Билдәләнгән сараларға йыл һайын ҡаҙнанан 648 млн һум аҡса бүлеү ҡаралған. Программа сиктәрендә йыл һайын республика буйынса өҫтәмә рәүештә 23 мең урам яҡтыртҡыстары ҡуйыу планлаштырылған.

  • Документы
  • Новости
  • События
  • Проекты
  • Доклады и выступления
  • Вопросы и ответы
  • Фотогалерея
  • Видеогалерея